Abendmahlsbeker ut dat Zisterzienserkloster Krummin (Usedom)

• Ungarn?
• Sülwer, vergüllt
• üm 1500
• 21,5 cm hoch

Up denn ünneren Deil vun de Drinkschal (Cuppa) sünd Vagels de in Ranken sitten up. Up denn Knoof winnen sick Ranken un Disselbläder üm’nein. De Faut vun denn Beker löppt in einen Sösspass ut, de Ornamenten wiesen ümmer Ranken un denn afwesselnd Blaumen. Butenrüm löppt ‘n düstern, viegelienschen Suum rüm, de mit woll mit schwatte Emaille utfüllt is. Dormang trecken sick verschieden Blaumen an den Beker nah baben. Up denn Knuppen (Nodus) sitten schwatt infatt‘ Stein (Bargkristall?).

Up denn Schacht kann’n de up twei Lienen schräben Wüür „EMPERM / MOPSAS“ läsen, de in Grotbaukstabend ut de late Gotik schräben stahn. Up de Ünnersiet vun denn Faut is in gotisch Lüttbaukstaben inschnäden: S. nicodemi, dat is woll dat teiken vun denn Meister, de denn Beker makt hett. An de böbelste Kremp vun denn Beker sitt ’n lütten Stempel, de woll vun de Registrierung vun de prüß’sche Staatsverwaltung herstammen deit (üm 1800).