Abenkachel

• Klei mit Lasur
• Kloster/Hiddensee
• üm 1500
• 18 cm hoch

De so nömte Bladdnapfkachel mit gräune Lasur is woll nah 1500 Deil vun ein Kachelaben in Kloster wuurn. In de boebelsten Ecken sünd Blaumenmuster, up denn Speigel ‘ne schwungen Küselrosett‘. Funnen wüür de Kachel in ‘ne olle Kamer vun ein Warmluftheizung ut dat late Middelöller. So glöwt’n, dat sei all tau de Tied Affall wier un ok so behannelt wüür.

De Zisterzienser vun dat Kloster Neuenkamp kreegen de Insel Hiddensee an denn 13. April 1296 vun denn Rügenfürst Wizlaw II. (1240–1302) schenkt, üm dor ‘ne Abtei tau grünnen. De Insel un dat sei so wiet af vun allens liggt, is wunnerbor för ein sinniget Läben mit arbeiten un bäden. Väle Johren gifft dat Kloster denn Ton up de Insel an. Man, as de Reformatschion kümmt, ward dat Konvent uplöst.

Disse Abenkachel wiest, wat för’n gaudet Läben sei hier in dat Kloster führt hebben. In dat 14./15. Johrhunnert süht dat dornah ut, dat’n in dat Kloster noch nich inbäuten kunn. Man, dornah hett sick dat ännert. Dat kann’n dörch so ein Abenkachel wiesen.