- 54 cm breit
Dat, wat in disse Urkund‘ schräben steiht, is oewerliefert ut dat Kopiarbauk vun dat Magdeborg‘sche Domkapitel üm 1480.
An den 10. September 995 lagert de düütsche König Otto III. up de Borg „wiligrad“. Hei treckt grad gägen de Obodriten un de Velotaber tau Fell‘n un makt hier Paus‘ mit‘n poor Amtsgeschäften. So schenkt hei sienen Kämmerer Tietzow ‘n Dörp in de Magdeborg‘schen Eck.
Disse Urkund‘ up Latiensch schlütt mit de Angaaf vun den Uurt: „actum michelenburg“. Dat is de öllst Nahwies vun den Namen MECKLENBURG, wat eigentlich blot „Grote Borg“ heit. Disse Nam‘ geiht denn oewer up dat Dörp, wo de Borg liggt, denn up de Herrschaftsfamilie un later ok up dat Bunnesland. Sowat gifft blot einmal in Düütschland.
Text: F. H.
