Agrarfleiger Z-37

• üm 1970,
• Spann 12,5 Meters wied, 8,5 Meters lang, 4 Meters hoch

1955 fangt de tschechisch‘ Firma Agrolet bi Grevesmoehlen an, vun‘n Fleiger ut mit Chemie tau stöwen. Se hebben ‘n Nahbuug vun den Fleiger „Fieseler Storch“. Poor Johren later ward de Agrarluftschipperie tau‘n besünnern Deinst för de Land- un Forstwirtschaft. Dat lohnt sick blot wägen de oewer de Maaten groten Schläg‘. De Spezialfleiger kamen ut de Sowjetunion un Polen, vun 1967 an fleigen sei ok mit de tschechischen Z-37 „Cmelak“.

Ein‘ vun disse „Hummeln“ hüürt tau dat, wat dat Kreisagrarmuseum sammelt hett. Dat Besünnere is: dat is de einzigst Fleiger ut de Staffel vun de Agrarluftschipper vun de DDR, de 10.000 Stunnen in de Luft schafft hett, ohn dat hei ‘ne Generalreparatur kriegen mößt. Vun iehrenamtlich Hülpslüüd wüür de Fleiger in den originalen Taustand trüchversett.