Blackpott ut dat Fraterhuus vun de Bräuder tau’n Alltauhoopläben

• Klei
• Rostock
• üm 1500 rüm

Siet dat Enn vun dat 15. Johrhunnert trecken tau de Südostsiet vun de Schwaanschen Strat in Rostock de Bräuder tau’n Alltauhoopläben un husen in dat Michaeliskloster. Vun 1476 an hebben sei hier de tweitöllst Baukdruckerie in Nuurddüütschland. In dat Fraterhuus is archäologisch ein grotet, rundet Becken nahwiest. Kann angahn, dat sei dorin Papier makt hebben. Bi Utgrawungen hebben sei ‘n Baukdeckel un ok 20 Blackpötte vun Klei funnen, wat bewiesen deit, dat de Möchslüüd läsen un schrieben kunnen.