Bostlatz

• Göhren
• mit Parlen stickt
• üm 1890
• 26,5 cm hoch

De Bostlatz, de mit Parlen besett is, ward up Mönchgaud "Bostdauk" later "Bostbrett" nömt. De plattdüütsche Nam "Bostdauk" wiest, dat dat fröher ’n infach Dauk wier, wat’n üm denn Nack liggen ded.

Nah 1800 ward dorut disse staatsche, viegeliensche Bostlatz. Dat "Bostdauk" dragen de Frugenslüüd as Schmuck in denn Utschnitt vun dat Schnürlief vun ehre Möchgauder Frugensdracht.

Makt ward dat ut’n Stück Dauk, wat tauschnäden is as’n Trapez un up Papp neiht ward. Denn ward dat besett mit bunte Striepen, Siedenband un Metallfinzelkram. In de Tied vun dat Biedermeier keem dat in de Mod, mit Parlen tau sticken. De Blädder- un Blaumenranken warden nah Vörlagen stickt, nah Möglichekit ganz nah de Natur. Besünners giern wüürn Rosen stickt. Ünner de Stickerie mit Parlen kümmt’n breidet Schmucksiedenband anneiht.