Chaiselongue

• woll franzöös’sch
• üm 1860
• Holt, vergollt, Sied
• 155 cm lang

De Chaiselongue, vun de de Siedendeile, de Bein un de Lehnenrahmen utseihn as gollen Tampen, hüüren tau de originale Inrichtung vun den Damensalon ut dat Jagdschlott Granitz. Dat Möbelstück is nah de Mod‘ ut de Kaisertied vun denn Kaiser Napoleon III. makt. För ‘ne korte Tied hebben sick an disse Mod‘ väle ‘n Ogenspeigel nahmen. Dit Sofa tau’n Utrauhn is dat letzt Möbelstück ut denn Salon, dat sick erhollen hett. De Famile tau Putbus wüür 1945 enteigent, as de Bodenreform in Gang wier. Vun de Tied an sünd de miehrsten Saken nich miehr weddertaufinnen. Fotos ut de Tied vör den Tweiten Weltkrieg wiesen de Chaiselongue as ein Deil vun ‘ne Möbelgrupp, tau de ok miehrere Stäuhl un ok Lehnsessels mit Gobelin-Betoch hüürt hebben. Kann angahn, dat dat in Frankriek köfft wier. De Betööch wüürn 1938 noch ännert in wildsieden, rode Betööch ut de SIedenruupentucht vun de Familie Westström ut Putbus. Oewer de Muster orrer de Farwen vun de ollen Betööch ut dat 19. Johrhunnert is nix wieder bekannt, Stoffstücken hebben sick nich erhollen. Dorüm wüür bi de Uparbeitung vun de Chaiselongue de rode, de Putbuser Betoch nahmen, ok as ein teiken för Rügensche Handwarkskunst.