De eine See gifft soeben Süstern ‘n Säuten (Modell)

• Reinhardt Dietrich
• Bronze
• Rostock
• 1985
• 30 cm hoch

De Figur is dat lüttere Modell vun de Figur up den groten Sod an dat Kröpelin’sche Duur in Rostock. Up einen viereckigen Sockel danzen soeben Frugenslüüd. Sei stahn för de soeben Staaten, de an de Ostsee liggen un in Fräden tausamen läben. De Figur steiht so ok för de DDR-Politik för den Fräden, woroewer väl schnackt wüür. Rostock wier för de DDR de Puurt tau de Welt un so hebben sei sick dor ok besünners in disse Oort präsentiert un dick dahn.

Vun 1958 bet 1975 drapen sick einmal in’t Johr all de Verträder vun de Länner an un üm de Ostsee tau de „Ostseewochen“. De DDR wiest sick bi disse Gelägenheit giern as Staat, de för den Fräden is un apen tau de Welt. Dat Wichtigst‘ bi disse Schau sünd de politischen Konferenzen un Demonstratschionen, dat gifft oewer ok bannig väl Kultur dorbi.