Georg David Matthieu, Bild vun Ulrike Sophie tau Mäkelborg-Schwerin

• 1765
• Öl up Linnen
• 145 x 105 cm

Ulrike Sophie is de öllere Süster vun Herzog Friedrich un vun 1728–1756 Äbtissin in dat evangelisch‘ Jumpfernkloster Rühn bi Bützow. Dat Afbild vun de Prinzessin Ulrike Sophie is staatsch un wiest ehr in ein schmucket Kleed. Sei is grad dorbi, wat tau daun: sei höllt in de linkschen Hand ‘n Breif un in de rechtschen Hand ‘n Fedderkiel, womit sei sülwst ‘n Schriftstück upsetten will. As Dreiviertelafbild malt, kiekt sei den, de dat Bild bekiekt, fründlich an un schmüstert.

De Prinzessin is bannig klauk, sei schnackt miehrere Spraken un oewersett sülwst Theaterstücken. In dit Bild kriegen wi gaud tau weiten, woans de Prinzessin läwt. So speigelt sick dat in ehr Utseihn un ok dörch ehre Kleeder un de Utstattung vun den Ruum.