Glaskann mit Proppen

• dorup steiht: Gaw vun I.M. Kaiserin Augusta an den Frugensverein Kr. Grimmen
• Glasmanufaktur Fritz W. Heckert in Petersdorf/Schlesien
• Glas, schläpen, inschnäden, Email- un Goldmalerie
• Dekor: Jodphur
• so bi 1885
• 22 cm

De viegeliensch mit Emailfarwen anmalte schläpen Glasbuddel kümmt ut de schlesisch‘ Glasmanufaktur Fritz Heckert in Petersdorf. De Oort, as dat Anmalt is, nömt sick Jodphur. De Kann hett den Maler Max Rüdiger von der Lage (Potsdam) hüürt. As de storben wier, hebben de dat arwt hebben, den Huusstand uplöst. Dor keem dat Stück nah Berlin tau einen Antiquar, oewer vun dor in dat Museum in Grimmen.

De Glaskann hett ‘n poor Blessuren, oewer dat sülwern Band üm den Proppen wiest de Upschrift: „Gaw vun I.M. Kaiserin Augusta an den Frugensverein Kr. Grimmen“.

De prüß’sche Königin un later Kaiserin Augusta vun Sachsen-Weimar-Eisenach (1811–1890), Wief vun Kaiser Wilhelm I., hett 1866 den Vaterlänn’schen Frugensverein grünnt. De Frugens hebben sick üm kranke un wundschaten Soldaten kümmert. Dorut wüür ‘n Nett vun väle Vereins. De Kreis-Verein Grimmen hett sick an den 3. Oktober 1884 in dat staatsche „Hotel Homeyer“ grünnt un hett dunn all 108 Maaten.

An den 16. Dezember nimmt Augusta dissen Verein all in den Dackverband up. Se schickt sogor ‘n Diplam an de Stadt, wat sei sülben ünnerschräben hett, an de Stadt, wat vun de Tied an inrahmt in den Vereinskraug an de wand hangt. Vörsittersch vun den Vörstand ward Gräfin Thoma Wachtmeister up Bassendorf. De ierste Versammlung vun den Vörstand hett beschlaten, dat „de Verein sien Daun dorup inricht, dat för de Städte Grimmen un Loitz fuurts ‘ne Gemeinde-Diakonissin funnen ward.“ Süss makt de Verein noch Konzerten orrer Theatervörstellungen för ‘n gauden Sinn un tau’n Insammeln vun Spenden. Sei richten ok Basare ut, wo wat versteigert ward. Dorför giwwt de Kaiserin sülwt ümmer wedder Gawen, so as woll ok disse Glaskann. (1885). Nah de ehren Dod 1890, oewernimmt Auguste Victoria (1858–1921), dat Weif vun Augusta ehren Enkelsoehn, wat later de Kaiser Wilhelm II. ward, dat Seggen.

Kann ok angahn, dat sei de Glasbuddel stift‘ hett. 2013 kann dat Museum de Buddel antiquarisch köpen.