Goldschmuck vun Hiddensee ut 16 Deile

• Neuendorf up Hiddensee funnen, Landkreis Vörpommern-Rügen, Guld (all tauhoop 595,5 Gramm)
• nuurdlännisch/skandinavisch, 2. Hälft vun dat 10. Johrhunnert
• Staatscher Nackring, Guld, Dörchmäter buten: 13,5 cm
• Schiewenfibel, Guldblick, Dörchmäter: 8,0 cm
• Twüschenlenken, Guldblick, 2,3 cm lang
• Hangelstücken in Krüüzform, Guldblick, 5,1 – 6,9 cm lang

De Guldschmuck vun Hiddensee is rein vun Guld un hett 16 Deile. 1873 un 1874 is hei köfft wuurn un sall nah de beiden schlimmen Stormflauten vun 1872 un 1874 in Neuendorf up Hiddensee höchwöltert west sien. De Nackring ward duwwelt dreiht funnen, dat wiest dorup hen, dat hei in einen ierdenen Pott uphägt wier. All de anner Deile hebben Sporen dorvun, dat sei dragen sünd. Kann‘n nich weiten, wat de Schmuck vu nein person dragen wüür orrer dat ‘n Familienschmuck wier.

De Schiewenfibel un de Hangelkrüüze hebben ein Ornament up, dat skandinavischen Dierstil hett, oewer ok westeuropäisch Flechtbänner un ok christliche Symbole. Dat is hier allens verbunnen. Ofschonst de Schmuckstücken verschieden schmückt sünd, kamen sei ut ein Warkstäd. De Schmuck is vun einen besünners gauden Handwarker makt un het so väl Guld in sick, dat‘n annähmen kann, dat hei ut de Nähg vun ein bedüdend Wikingerzentrum, dat väl Kraasch harr, kümmt. Dat schient säker tau sien, dat date in Hortfund is.