Grenzstein

• Granit
• 1945
• Länge: 50 cm

De Iestied hett Findlings ut Granit mitbröcht. De Stein warden väl ok as Material nahmen. Steinhaugers un Steinschnieders maken dorvun Treppen, Grawwstein un Stratenstein, oewer ok Grenzstein. De Grenzstein hebben ümmer baben an de Stirnsiet ‘n Krüüz inschlahn. De Fluchten vun de Krüüze wiesen dorup hen, woans de Grenz lopen deit. As bi de Boddenreform dat Land nieg utkawelt ward, kamen disse Grenzstein bültenwies in de Ierd.

Vun 1952 an warden de Stein ut de Ackers wedder rutrackt, as de Kollektivierung losgüng. De Stein warden denn ok noch politisch nahmen un ünner de Losung: „Vun mien tau uns!“ un in ‘n poor Dörper as Denkmal upstellt.