Handandräben Afspulapparat ut dat Teltkino

• vun Carl-Zeiss-Jena herstellt
• üm 1970 rüm
• 48 cm hoch

Filme warden up apen Spulen anliefert. Üm sei vörtauführen, mößten sei in Kassetten ümspult warden un achteran wedder up de Spulen trüch. Ofschonst ok anner Technik gifft, ward ok giern de hanandräben Afspulapparat nahmen, weil hei langsamer dreiht. Wenn hei an einen Disch fastmakt is, denn kann dat gerät oewer ok ‘n banniget Tempo rupkriegen. Dat kümmt vun de Oewersettung mit’n Tähnenrad. Üm Filme in de verschieden Urlaubsurte tau wiesen, ward de Tonkinokuffer zeiss TK 35 mitnahmen. De Tahl steiht för de Breit‘ vun de Film in Milimeter angäben.

„De Organisatschion vun ‘ne Urlaubsgestaltung mit Sinn is ‘n Deil vun de sozialistischen Bedürfnisbefriedigung.“ Mit dit Argument ward de Badgäst ok ‘n grotet Sport- un Kulturprogramm anbaden. De Gewerkschaft betahlt allens. In de Fereinhüüser up Hiddensee warden grote Kultursäl‘ inricht‘, wo jeden Dag Vördrääch un ok Danzvergnäugen afhollen warden. Un denn organisiert de FDGB ok fief Dag in de Woch Kino in verschieden Urte up de Insel. Dat Teltkino an dat Norderenn vun Vitte ward 1963 upbuugt.