Hans Fallada: „De Alpdruck“

• 1946
• Aufbau-Verlag
• Einband: Hermann Kusch

1946 makt Fallada sick in sienen Roman „De Alpdruck“ den Taustand vun dat düütsche Volk, dat kort nah dat Enn vun den tweiten Weltkrieg heil dörchn‘anner is, tau sien Thema. In verschieden Breifen schrifft hei ümmer wedder, dat hei nich besünners stolt up dit Bauk is. Hei wiest ok in sien Vörwurt dorup hen, dat de Roman „tau allerierst ein Krankenbericht bläben“ is un „de Geschicht vun de Apathie (vertellt), de den grötteren un vör allen anständigeren Deil vun de Düütschen in den April 1945 befollen hett un vun de hüüt väle noch nich frie sünd.“

Fallada sülwst is ok verbiestert un söcht nah’n Krüüzpahl för‘n reellen Weg. Dat kann ein ok an den iersten Titel vun den Roman „Fallada söcht ‘n Padd“ rutkennen. De Roman kümmt ierst nah Fallada sienen Dod rut un hei speigelt ok siene eigen Erfohrungen as Börgermeister, as den de sowjetisch‘ Militäradministratschion em insett harr.