Hochaltar vun de Antoniterkirch in Tempzin

• Holt, bunt infatt‘
• Wismer
• 1411
• 410 cm wied

Dat ward annahmen, dat de Altar 1411 entstahn is. Hei is wohrhaftig ein besünnern un ok sünnerboren Altar in Nuurddüütschland. In de Ordenskirch, de tau de Tied ok Hospital- un Wallfohrtskirch is, is hei gaud dorför, ganz verschieden bruukt tau warden. Dunn geef ein Börger vun Wismar Geld för de Anstellung vun twei Priesters bi den Altar in de nieg buugte Kirch. De Altar is in Wismer entstahn un dor kümmt bi den malten Passionsaltar olle un expressive Kunst vun dat 14. Johrhunnert tausamen. Ok de dunn grad aktuelle Hoffkunst vun Burgund kümmt mit dorin.

Middelsmänner sünd dorbi de Malers, de dat Seggen hebben, so de Meister Bertram vun Minden, de in Hamborg arbeit‘ un Conrad vun Soest. So kümmt ok de Influss ut Westfalen dull dörch in diss malt‘ Retabel. Dat gifft ok Verbinnung tau de Glasmalerie vun Wismer un Kloster Doberan. Süss sünd de skulpturalen Deile de Rahmen un de Bogenbekrönung vun dat Gesicht vun Christus. De Predella wier vördem woll för de Utstellung vun Reliqien, tauallerierst vun Büsten.

1905 hett dat Schweriner Museum den fröher’n Hochaltar köfft.