Iesenbahnfährschipp: Dampmaschin

• 36,46 Meter lang
• Länge: 36,46 m

Dat letzt Einenn-Iesenbahndampfährschipp vun disse Buugoort liggt in Wolgast in denn Museumshaben dicht bi de Amazonenbrüch. Fröher wier dat ‘n Iesenbahnfährschipp un is twüschen Stralsund un Altefähr, oewer ok Swinemünn‘ un Wolgast führt bet 1990. Dat Schipp führte sogor as Iesbräker un hett fröher V2-Raketen för de Heeresversäuksanstalt Peenemünn‘ transportieren mößt.

De Kaptein Rudolf Kleiner hett 1945 verhinnert, dat dat Schipp sprengt wüür.

Tauletzt is dat Schipp bi Wolgast führt un so fäuhlen sick de Wolgaster in de Plicht, dat historisch-Technisch Denkmal tau erhollen. De Stadt Wolgast hüürt dat Schipp, oewer ein Verein helpt bi disse Upgaaw. De Vereinsmaaten sünd flietig un hellschen dorbi un hebben Ideen, woför ‘n dit Schipp bruuken künn. De Kapteinskajüt, de Messe, de Brüch un -besünners interessant- de Maschinenruum kann’n all bekieken.

1890 hebben sei dat Fährschipp in de Schichau-Warft in Elbing buugt. Sei is 9,80 breit un geiht 1,23 m deip, wenn sei leddig is. Dat Schipp hett twei Dampmaschinen un kunn 8 Knoten fix führen un kunn drei Iesenbahnwagens mit 300 Lüüd roewerschippern. Ein besünners interessante Sak is de twei-stufig Expansionskolben in de Dampmaschin mit bet tau 112 Pierstärken orrer ok 83 KW.