Java-Kordenspäl

• üm 1885

1885 kamen ok Updrääch för Stralsunner Spälkorden ok vun de Insel Java. Sei wiesen Biller vun Ur-Inwahners vun de Insel Nias. Dat Teiken vun de Stralsunner Fabrik is up de Königskort tau seihn, de’n Nedderlandschen wiest, de wat tau seggen hett. Up dat Ass sünd Kolonialgebüüchd in Batavia tau seihn.
Korden spälen bringt Olt un Jung, Arm un Riek un männigmal ok Fründ un Feind. Korden spälen is Deil vun de Weltkultur, oewerall gifft dat denn homo ludens, denn Minschen, de spält un sick bi dat Spälen entwickeln deit.

Noch ein Johr bevör de Fabrik ut Stralsund wech nah Altenburg treckt, schrifft dat Wirtschaftsbladd Hamborgs Hannel 1930: "Dat Spälkorden-Welthuus: De Spälkordenfabrikatschion is all lang in Pommern tau Huus un hett dat Gesicht vun de Stadt Stralsund prägt. De Stralsunner Spälkorden sünd in de heile Welt bekannt un warden giern köfft, wiel sei so besünners gaud sünd … sei sünd schier un glatt, fleddern nich ut’nanner, hollen lang un sünd bannig gaud druckt. Dorüm sünd sei tau’n echten Markenartikel wuurn." De echten Stralsunner gahn in de heile Welt.