Loggerbuug up de Volkswarft

• Helmut Reinl
• üm 1952
• Öl up Hartfaserpapp
• 100 cm wied

Üm den Schaden ut den Krieg wedder gaudtaumaken, liefert de Volkswarft Stralsund bet tau dat Enn vun 1953 150 Logger an de Sowjetunion. Disse Schäpen sünd meist för de Fischerie in de Ostsee. Ein so’n Schipp tau buugen kost‘ 1,2 Millionen Mark, oewer up dat Reparatschionskonto warden blot 400.000 Mark anräkent. De DDR hüürt in de Welt tau de gröttsten Nationen, de Schäpen buugen. Väle Lüüd weiten nich, dat dat dorvun keem, dat de Sowjetunion so’ne happigen Reparatschionen nah den Tweiten Weltkrieg infordert hebben.

So keem dat tau’n bannigen Upschwung bi de ostdüütschen Warften. De Laag vun de Wirtschaft is in de sowjetischen Zone fuurts anners as in de annern Zonen. Ofschonst de Industrie gornich so taunicht is, as’n glöwt, sünd fuurts de tweiigen Straten ‘n banniget Problem. Dat allens wedder uptaubuugen is ‘ne bannige Malesch. Dat kümmt ok dorvun, dat väle Gesellen un Arbeitslüüd, de Ahnung hebben, blot för de Reparatschionen arbeiten möten. Wegg dorvun arbeiten oewer ok in anner Rabeiten, för de se gornich utbillt sünd. Bi all dat gifft dat ok noch nich väl tau köpen un so sünd de Arbeitslüüd ok spaddenlahm un hebben kein sünnerlich groten Jieper up Arbeit.