Luntenstock

• Iesen un Holt
• 18. Johrhunnert
• 124 cm lang
• utleihnt ut dat Kulturhistorisch’ Museum Rostock

Dit Ding hülp bi dat Affüern von Kanonen. De Lunte ut ein’ Faden, de tau’n Gläunen bröcht wür, mösst up de iesern Spitz von denn Stock fastmakt warden. In de Kanon wier baben dat Zündlock, dat mit Zündkrut stoppt wier. Dat mösst anstickt orrer gläunig makt warden. Œwer disse Verbinnung hett sik dat Füer bet tau dat Schwattpulver in de Kanon dörchfräten, dat denn zünnen un de Kugel vörn rutscheiten ded. Disse Prozedur hett väl Tiet kost, wier mit väl Ümstand verbunnen un ok gefiehrlich, wenn Schwattpulver verstreut wier kunn dat fix eins explodieren. Dorüm kreegen de Kanoniers ’ne besünner Utbillung ok an denn Luntenstock.