Malschemel mit Arbeitstüüchs, Ölfarwen, Palett, Pinsel un mit dat Bild "Versapen Wisch"

• Malschemel mit Arbeitstüüchs, Ölfarwen, Palett, Pinsel (135 cm breit) un mit dat Bild "Versapen Wisch", Öl up Hartfaserpapp,
  1978, 41 cm breit

Dat Wahnhuus un dat Atelier vun den Maler un de Gorden, denn de Künstler sülwst inricht hett, sünd hüüt Museum. Dortau hett dat Museum ok väle Biller vun Niemeyer-Holstein. De warden in de Utstellung un bi Führungen wiest.

Mit "Lüttenort" hett Niemeyer-Holstein sick’n Uuurt inricht, wo hei sick trüchtrecken un frie fäuhlen kunn. Stuurköppsch hett hei Lüttenort as Uurt för de Familie un Frünnen schafft. Dat hett tau siene Istellung passt, ok, dat hei keine staatlichen Updrääg annahmen hett.

Wohrhaftig wier Lüttenort alltieds ’n Uurt, wo de Lüüd sick drapen hebben, de Künstler un de Frünnen vun de Kunst sick frie un produktiv ünnerhollen hebben – dat wier’ne DDR-Oase för denn Geist.

Ok de Biller un Plastiken ut de Fründschaft, de Niemeyer-Holstein sammelt hett, wiesen, woväl bedüdend Lüüd hei kennt hett: Otto Manigk, Herbert Wegehaupt un Karen Schacht, Gustav Seitz, Waldemar Grzimek, Wieland Förster un Werner Stötzer.

Ein besünnern Uurt för Niemeyer-Holstein is Lüttenort Oewer ok noch in’ne anner Oort. Hei hett denn schmalsten Stremel Land up Usedom urbor makt un mit sien Tauhuus hebben sick sünnerbore Architektur, Kunst, Gorden un Läben tau wat ganz un gor Besünners vermengeliert. Besünners dat Land un besünners Niemeyer-Holstein.