Medaille tau Iehren vun Herzog Albrecht vun Wallenstein

• Medailleur: Hans Rieger
• Silber
• 1631

Albrecht vun Wallenstein (1583-1634) lött sick 1629, as hei dat Herzogtum Mäkelborg tau’n Lehen krägen hett, fuurts up de Geldstücken as niege Lannesherr afbillen: Titelatur un Wappen wüür’n utdehnt. Näben siene Prägestäden in Gitschin un Sagan kümmt nu Wismer dortau, wo de Münzmeister Johann Dase Order kriggt, mitn Münzbetrieb antaufangen. De Wismer’schen Münzen hebben anners as de annern kein Münzteiken.

Blot dat „M“ steiht för dat niege Rabeit vun siene Herrschaft: för Mäkelborg. Wallenstein is scharp nah Geldstücken, de siene Herrschaft wiesen sallen, oewer Medaillen sünd em tämlich egal. Is nich bekannt, wat disse Medaille vun den Medailleur Hans Rieger ut Breslau ‘n Updrag vun Wallenstein wier orrer nich. Oewer de wiest den Friedlänner in ein‘ Feldherrenposentuur.