Modell Heinkel HD 24 (Waterfleiger)

• Ernst-Heinkel-Fleigerwarken A.G.
• Rostock 1928
• Floegel sünd 97 cm wied

Mit den Waterfleiger Heinkel HD 24, de in Rostock-Warnmünn buugt is, geiht Günter Plüschow up Expedition nah Füerland in Südamerika. Hei is in Schwerin upwussen un schifft 1927 den Fleiger vun Rostock nah Chile. 1928 buugen Plüschow un Ernst Drebelow den Duwweltdecker dor tausamen. Dat ierste Mal fleigen sei nah Ushuaia in Argentinien. An Buurd hebben sei ‘n Postbüdel, dat wier de ierste Luftpost vun Punta Arenas nah Ushuaia. In de nächsten Maanden fleigen Plüschow un Drebelow as ierste Minschen oewer de Darwin-Kordillere, oewer Kap Huurn un de Torres de la Paine in Patagonien.

In Juli 1929 kümmt Plüschow nah Huus un bringt ein Bauk un ein Film „Sülwerkondor oewer Füerland“ in Düütschland rut. 1931, as Plüschow un Drebelow dat tweite Mal up Südamerika-Expedition wieren, sünd sei ümkamen.