Modell vun ein Eik ut Ivenack

• Dörchmäter: 3,49 m

Mäkelborg wier fröher mal vull vun Bööm un Hollen. Je miehr Lüüd hier wahnen, ackerieren un dat Holt ok för anner Handwark slahn, desto miehr verännert sick de Gägend. Ok de Oort un Wies vun den Wald ännert sick. Holt bruuken sei as Buugmaterial œwer ok tau‘n Inbäuten. Diere, de de Lüüd hollen, warden tau‘n Fräten in dat Holln dräben. De fräten denn de jungen Twiegen un ok de lütten Bööm ünnen weg. Up disse Oort wasst nix miehr vun ünnen nah un in de so nömten Hudewälder stahn de Bööm frie ahn Ünnerholt. Poor so‘ne sünd ok hüüt noch tau bekieken, so as in den Diergorden vun Ivenack.

De däägten Stieleiken, de dor stahn, hüürn tau de öllsten in Europa. De mastigst‘ vun de, de dor stahn, sall so bi 1200 Johren olt sien. Dat Modell, dat original den Stamm vun dissen bannigen Boom, de 35,5 m hoch is, wiest, kann‘n in‘t Müritzeum bekieken. Dat makt ‘n bannigen Indruck.