Nedderdüütsche Lutherbibel

• Barth
• 1584–1588
• Papier un Linnen-Papp-Baukdeckels
• 26 cm hoch
• för ümmer utleihnt vun de evangelisch‘ Kirchgemeind’ St. Marien, Barth

1533 harr Bugenhagen siene Bibel rutbröcht. Un denn keem disse "Barther Bibel" rut mit in Holt schnäden Biller vun Ehrhart Altdorfer. De Bibel is in Middelnedderdüütsch schräben. De Fürstlich Druckerie Barth is vun Pommern-Herzog Bogislaw XIII. 1582 grünnt wuurn. Sei makten den niegen Druck vun 500 Stück Bibeln. De Langnamen vun dat Bauk heit: "Biblia Dat is: De gantze hillige Schrifft/ Düdesch. D. Mart. Luth. Mit der lesten Correctur flytich collationeret/ vnde na dersüluigen emenderet. Barth. Jn der Förstliken Drückerye/ dörch Hans Witten. M.D.LXXXVIII." Disse Bibeln hebben tau de Tied ümmer up denn Altar lägen un de Paster hett dorut vörläst.