Orthocerenkalk

• Tausamenschaben Ierd

Dat Ies, dat sick duttwies ut den baltoskandischen Ruum hierher schööf, hett in dat Quartiär in de Weichseliestied de Gägend makt. Mit dat Ies keemen hier ok bannig väle Stein, lütte un grote, ut Skandinavien un vun rund üm de Ostsee tau uns her. Disse tausamenschaben Ierd prägt de Grund- un Endmoränenlandschaft. De groten Brocken, de Findlings, gahn ok in de Geschicht vun‘t Land in. Sei hebben Namens un üm wegg vun de häkeln sick ok Sagen un Märken.

De tausamenschaben Ierd kann dornah indeilt un klassifiziert warden, woans sei enstahn is, wovun sei sick tausamensett un wo sei her kümmt. Ein Oort is de Sedimentärierd, de ut dat Water vun Seen un Flüss kümmt, un denn schaben worn is. Dor hett sick Sand, Klei un Schluff aflagert. Dat sünd de einzigen Stein, in de fossile Œwerresten in sünd: Cephalopoden, Trilobiten, Brachiopoden un Mollusken. Den roden Orthocerenkalk kann‘n in Schweden finnen. Hei is in dat Ordovizidum enstahn un is so bi 500 Millionen Johren olt.