Papierstück vun Packpapier mit schräben Schrift vun Arbeitslüüd, de tau den Deinst in de Plicht nahmen wieren

• Papier,
  1942,
  105 cm hoch

As de Versäuksanstalten in Peenemünn‘ upbuugt wüürn, hebben sei dusende Arbeitslüüd ut verschieden Buugfirmen insett. Ok düütsche Arbeitslüüd, de tau denn Deinst in de Plicht nahmen wieren, ok frömde Arbeitslüüd ut Italien, ut de Nedderlannen un ut Tschechien so as ok Lüüd ut denn Osten vun Europa, de tau de Arbeit dwungen wieren. Ok wenn väl Propaganda makt wüür, de Arbeitslüüd harden liekers dat Gefäuhl, dat sei all dwungen wieren, dissen Deinst tau maken. Ok de Ümstänn vun de Arbeit wieren dornah. As dat Kraftwark Peenemünn‘ an dat Enn vun de 1990er Johren ümbuugt wüür, hebben de Buuglüüd dit Dokument in denn 2. Stock achter einen losen Klinkerstein in ein Twüschenwand funnen.

Upschrift: "Disse Wand is in dat Kriegsjohr 1942 treckt wuurn vun tau denn Deinst in de Plicht nahmen Lüüd bi ½ Pund Brot un 50 gr. Wust an denn Dag. 1. Paul Schmidt Muurer ut Schlesien, 2. Willy Balke Muurer bi Stolp, 3. August Pionkowsky Ostprüßen, 4. Florian Arb. in Berlin, Peenemünn‘, denn 13.3.42".