Propellerbladd för Fleigers

• Holt
• Nuurddüütsche Dornier Warken Wismer
• üm 1935
• 197 cm lang

De iersten Propeller för Fleigers wieren ut Holt makt, später denn ut Metall. Hüüt warden sei ut glasfaserverstärkten Kunststoff orrer Kohlefasern makt. Tauierst hebben sei ümmer twei Blädder un denn vier Stück. Dit Propellerbladd is ut de Dornierwarken Wismer. 1933 grünnt de „Dornier-Metallbuug-GmbH Friedrichshafen“ in de Habenstadt Wismer an de Ostsee ‘n Wark, wat dornah denn „Nuurddüütsche Dornier-Warken“ heit (dat gifft ok noch twei, ein in Lübeck un ein in Berlin).

An dat Enn‘ vun de 1930er Johren arbeiten dor miehr as 3000 Lüüd. In Krieg warden dat noch miehr, wiel dor ok Gefangene un Zwangsarbeiter arbeiten möten. Alliierte Truppen schmieten Bomben up Wismer un dor gahn ok de Fabrikanlagen entwei. Wat noch oewer wier, demontiert de Rode Armee 1945.