Rüch vun’ne Kasel

• Sied bestickt, bunt un gold, wäwte Bort an
• Enn vun dat 18./Anfang vun dat 19. Johrhunnert
• 103 cm lang

Johann Friedrich Martin Waack, de 1863 in Grimmen buuren wier, hett den Rüch vun de Kasel 1931 dat olle Museum anbaden tau schenken. Hei läwt tau disse Tied in Berlin, oewer siene Familie is ‘ne olle Grimmensche.

In einen Breif schriwwt hei: „... de Rüch vun den Kathol’schen Preisterümhang hett twors nich direkt wat mit Grimmen tau daun, man, ick glöw, dat hüürt liekers in dat Museum, wiel doch ok de Kirch in Grimmen bet tau de Reformatschion den kathol’schen Kult deint hett un viellicht is de Tahl vun de Lüüd, de noch nienich ‘n kathol’schet Preisterkleed seihn hebben, gor nich so lütt.“

So is dat Stück vun de Tied an as „ut de Tied vun de Renaissance (latet Middelöller)“ up den Rathuusboehn in da tolle Museum utstellt wuurn.

Nahdem dat noch eins nieg bekeeken wüür, hett sick rutstellt, dat dat Preisterkleed ut dat late 18. orrer tiedige 19. Johrhunnert stammen deit. Dat Monogramm IHS is anbröcht in ein gollen Kring vun Strahlen. De gollenwäwte Bort wiest miehrmals ‘n Krüüz. De Formen, de Oort as dat utstickt is, dat Blaumenmuster un dat Material vun den boebelsten Stoff wiesen, dat dat Stück nu richtig in de Tied inorrent is. An den 9. Juni 1987 kriggt de Stadt dat Museumsstück. Bet tau de Tied hüürte dat tausamen mit vier Bibeln de Kirch tau. An den 24.5.1989 is dat an dat niege Heimatmuseum gäben wuurn.