Schal‘ ut Tinn ok Kollschal‘ nömt

• Tinn
• 1805
• Dörchmäter: 25 cm

Kollschal ward giern in’n Sommer drunken. Jedein kennt de Bier-Kollschal. Sei ward ut Säutbier un dröög Fienbrod makt. Sei ward oewer ok mit Brammwien, Boddermelk, Eier orrer Honnig un Wien ansett‘. Dor kann jedein ok nah sien Geschmack wat bruugen. Bi de Tinnschal föllt up, dat sei bannig grot un breid is un de Rand platt. Dorup steiht ofteins dat Datum vun ‘ne Hochtied un de Nam‘ vun de Bruut. Disse düüren Schalen finnen sick tau de Tied meist in de Buernhüüser von de Ämter Rehna un Schönbarg.