Schaulwandbild: „Maikäper“

• Verlag Paul Parey Berlin
• üm 1910
• 106 cm breit

Twüschen 1880 un 1930 sünd biologisch‘ Wandtafeln ‘n wichtiget Mittel, dat helpen süll, dat de Kinner sick wat vörstellen un begriepen koenen. De Tafeln stellen de Würklichkeit dor un woans allen in de Welt tausamenhängen deit. Sei wiesen so ok Saken, de ein sick nich so infach vörstellen kann.

1914 gifft dat ‘n nieges Gesetz för Mäkelborg-Schwerin, dat den Ünnerricht un wat dor rutkamen süll, rägelt:

„ de naturkundlich‘ Ünnerricht sall de Kinner dat Beobachten, dat Verglieken un Faststellen bibögen. Dat Kind sall mit de Natur vun de Heimat vertruugt makt warden. De Schäulers sallen jedein Dier un jedein Plant (...) in den Tausamenhang (...) in de Natur kennenliehren, sallen den Buug (...) vun dat minschliche Lief wiest kriegen un anfangen de ogenfälligsten physikalischen Erscheinungen in dat normale Läben tau begriepen.“