Schaulwandbild „Rodbäukenboom“

• Verlag Volk un Wissen, Berlin
• rutgäben vun dat Düütsche Pädagogisch‘ Zentralinstitut
• üm 1970
• 122 cm breit

In de DDR warden de Rullbiller in de Schaul genau so wieder för de naturkundlichen Fäcker nahmen, üm de Kinner wat tau verkloren. Sei gahn ok oewerein mit den Liehrplan vun de allgemeinbildend‘ polytechnisch 10-Klassen-Oberschaul vun 1959:

„De Biologieünnerricht bögt de Kinner de Grundlagen vun de biologischen Wissenschaft bi. Dat makt sei vertruugt mit de wichtigsten Formen vun de Flora un Fauna vun de Heimat. De Schäulers liehren ok den Buug vun dat minschliche Lief kennen. In‘n Schaulgorden un in de sozialistischen Landwirtschaft liehren de Kinner, mit ehre eigenen Hänn‘ wat tau schaffen. Dat is wat, wat sei later bruuken koenen.“

Dortau kamen niege Materialien, de helpen, wat tau begriepen, so as Präparaten, Films, Lichtbiller un sowat.