Schleudersitt (nahbuugt)

• Ernst Heinkel Fleigerwarken A.G.
• Rostock
• üm 1942
• 130 cm hoch

De Fleigers warden mit de Tied ümmer jagiger buugt un so kann sick ein Pilot, wenn hei in Gefohr kümmt, gornich miehr sülwst afspringen. Dorüm klamüstern sick de Lüüd vun de Ernst Heinkel Fleigerwarken Rostock vun 1938 an den iersten Schleudersitt vun de Welt ut. An 13. Januar 1943 scheit sick de Pilot Rudolph Schenk ut de Heinkel He 280 sülwst rut. De Schleudersitt ward tauierst in Serie in den Fleiger He 219 inbuugt. Dat is ein Nachtjäger. In den Tweiten Weltkrieg koenen sick up diesse Oort 60 Piloten retten.

Tauierst testen düütsche Ingenieuren de Dinger in Rostock un Rechlin noch sülwst, oewer denn möten gefangene Minschen ut dat KZ Sachsenhausen de Tests maken. Dat is nich genau bekannt, wat för Lieden un Schaden disse Minschen dorvon nahbehollen hebben.