Spannhalter taun Hoeveln

• Warktüüg för den Fleigerbuug
• Walther-Bachmann-Fleigerbuug KG
• Ribnitz
• üm 1940
• 35,5 cm lang

De Hoevel is dorför dor, de Nietenköpp‘ schier tau maken, wenn de oewerstahn. So sall de Huut vun den Fleiger ut Duraluminplatten besünners glatt warden. Gerhard Wittenborn hett mit dissen Spannhalter as Fleigerbuuger bi de „Walther-Bachmann-Fleigerbuug KG“ in Ribnitz vun 1940 bet 1944 arbeit‘. Dor warden Militärmaschinen repariert un ok Floegel, Stüerungen un Kanzeln för de Rostocker Heinkel- un Aradowarken up Lizenz makt. 1939 arbeiten so bi 1500 Lüüd in disse Warken.

In’n Krieg koenen sei gornich naug Lüüd kriegen un so möten Zwangsarbeiter dor arbeiten. Nahdem Ribnitz vun de sowjetischen Armee besett‘ is, begünn' de in Mai 1945, disse Fabrik tau demontieren.