Stamm-Aktie vun de Iesenbahn-Gesellschaft Greipswold–Grimmen
Mihr Billers
- N. 625 oewer Dusend Mark vun de düütsche Riekswährung vun den 1. Juli 1896
- 33,5 x 23,5 cm grot
- köfft in’ne Auktschion 1994
De Stamm-Aktie verlööft den Köper, den dat hüürt „nach Verhältnis des Betrages derselben in Gemäßsheit des Status am gesammelten Eigenthum der Greifswald-Grimmener Eisenbahngesellschaft und an dem Gewinne und Verluste derselben beteiligt“ tau sien. Mit ‘n roden Stempel ward sei nah de Inflatschion ümstellt up 700 Rieksmark.
De wichtigst Aktschionär is de AG Lenz & Co. Stettin, de later ok den Betrieb führen deit.
An den 8. Mai 1895 verlööft de prüß’sche König mit ‘ne Urkund „de Grünnung vun ‘ne Aktschiengesellschaft ünner de Firma ‚Iesenbahn-Gesellschaft Griepswold-Grimmen’, ... för dat Buugen un Bedrieben vun ‘ne Bahn vun Griepswold oewer Grimmen nah Tribsees hen, de mit Damp andräben ward. Sei sall Lüüd un ok Woren befördern un möt sick nah de Bahnordnung för de Näbeniesenbahn in Düütschland (vun den 5. Juli 1892) richten.“
1895 fangen sei an tau buugen un all an den 1. Oktober 1896 is de Bahn fardig un kann in Betrieb nahmen warden. An den 21. November 1896 ward de Bahn oewergäben.
De wichtigst Upgaaw vun de Bahn is, dat Woren befördert warden un dat de Gägenden in den Südwesten vun den Kreis Grimmen erschlaten warden. De Streck is dunn 50,54 km lang. De Fohrt geiht 2 Stunnen un 50 Minuten.
As de Rode Armee an den 30.April 1945 inmarschiert wieren, wüür de Bahn instellt.
Later warden de Schienen binah all afbuugt un as Reparatschion wechgäben. De Rest vun de Streck Grimmen-Grimmen Schüttenplatz (so bi 2 km) ward tau ein Streckenrangiergleis un up den Bahnhoff Grimmen Schüttenplatz warden blot noch Woren lad’t.
Text: S. F.
