Suppenschoetel ut dat Tafelservice vun den Grotherzog vun Mäkelborg-Schwerin

• kann angahn, makt för den Grotherzog Paul Friedrich vun Mäkelborg-Schwerin, Johann George Hossauer (1794-1874), Berlin, üm 1837, Sülwer, dräben, gaten, inschnäden un vergollt, 31 cm hoch
• 2001 anköfft mit Hülp vun de Kulturstiftung vun de Länner un vun de Rudolf-August-Oetker-Stiftung

Oewer väle Johrhunnerte hebben de mäkelborgschen Fürsten tauhuus bi de eigen Künstlers ordert, oewer ok bi grote Goldschmittwarkstäden bestellt. De Suppenschoetel hett de Goldschmitt Johann George Hossauer makt, de tau de Tied in Berlin de best wier. De Schoetel stammt ut ein Service, dat woll Grotherzog Paul Friedrich bestellt hett. Hei wier ok dorüm mit Berlin verbunnen, wiel hei vun dor de preußisch Prinzessin Alexandrine 1822 friegt hett.

För dat Service hett Hossauer engel‘sche un französ‘sche Vörbiller hatt. Dat is in de Oort vun dat tweit Rokoko makt. De Suppenschoeteln hüüren tau de besünners staatschen Deile vun ein Service up den Disch. Bi disse Schoetel gifft dat ‘n schoenen Gägensatz vun de blanken, füervergollten Sieden tau de plastischen, starken Details, de oewer nich blank sünd. Nah 1989 kunnten noch miehr Deile vun dit Service för dat Staatliche Museum anköfft warden.