Theodor Schloepke: Fritz Reuter

• Öl up Linnen
• 1866
• in‘ Oval 62 cm hoch

De Grotherzog Friedrich Franz II. vun Mäkelborg-Schwerin gifft sienen Hoffmaler Theodor Schloepke den Updrag, Fritz Reuter för de Schwerin‘sche Gemäldegalerie in Öl tau malen. Anstött‘ hett Gustav zu Putlitz dat, de tau de Tied Intendant vun dat Grotherzoglich‘ Theater in Schwerin wier. Fritz Reuter „harr leiwer ein annern Künstler (...) mit den ick nich so gaud bekannt bün“ dorför in Eisenach tau Gast hatt‘, oewer as dat Bild trecht is, is hei bannig taufräden un meint dortau, dat siene Fru tauletzt gornich miehr wüsst hett „wat sei leiwer behollen wull, dat Bild orrer dat Original.“