Urkund œwer de Patenschaft vun den Kreis Herzogtum Lauenburg för de Lannsmannschaft Mäkelborg

• 28.06.1953
• Pergament
• 68,5 cm breit

Lannsmanschaften vun Mäkelbörger hett dat all 1900 gäben, so in Hamborg orrer Berlin. De Vereins in de westlichen Besatzungszonen un in de Bundesrepublik nah 1945 hebben œwer ok noch ‘n anner Bedüdung. Ein Landsmannschaft Mäkelborg ensteiht 1951 in Niemünster nah de Grünnung vun Vereins vun Mäkelbörger œwerall in de Bunnesrepublik. In‘n September 1951 ward in Ratzborg dat I. Heimatdrapen organisiert. Dormit fangt ‘ne Traditschion an, de väle Johren anhöllt. De Dominsel Ratzborg hüürt nah den Dörtigjöhrigen Krieg bet 1937 tau Mäkelborg. De Domgemeind‘ blifft ok nah 1945 Part vun de Evangelisch-lutherisch‘ Lanneskirch Mäkelborg.

In de Gägend üm Ratzborg siedeln väle Mäkelbörger, de afhaugt sünd. 1951 ward mit Gerhard Wandschneider ein vörmals mäkelborg‘sch Ministerialbeamten tau‘n Landrat vun den Kreis Herzogtum Lauenburg. As Landrat œwergifft hei an den I. Bundesvörsitter Frieherrn vun Langermann 1953 up dat III. Heimatdrapen vun de Mäkelbörger disse Urkund œwer de Patenschaft vun den Kreis Herzogtum Lauenburg för de Lannsmannschaft.

Twintig Johren later œwernimmt Gerhard Wandschneider dat Amt vun den Stiftungsratvörsitter vun de Stiftung Mäkelborg, de in Ratzborg grünnt worn is. Hei blifft Vörsitter bet tau sienen Dod 1981. Nah de Uplösung vun de Landsmannschaft 2013 hüürt de Urkund de Stiftung Mäkelborg.