Utschaulungstüüchnis ut dat Anklamer Gymnasium för Otto Lilienthal

• Papier, Papp
• 1864
• 34 cm hoch

Dat Utschaulungstüüchnis för Karl Wilhelm Otto Lilienthal, buuren an denn 23. Mai 1848 in Anklam as Soehn vun ein Koopmann (de all storben wier), wiest man blots Zensuren ut, de so Dörchschnitt wieren. Dor steiht: "Hei hett sick gaud bedragen, hei hett nich ümmer uppasst, mal wier hei flietig, denn mal wedder nich. Genauer seggt heit dat: In Düütsch hett hei sick bi dat Schrieben vun Upsätze nich tau dull Mäuh gäben un so ok nich so besünnere Zensuren krägen. Latiensch hett hei Ovid un Caesar läst un woll ok verstahn, man, de Grammatik wier middelprächtig. In Griechisch hett hei de Formen un ok ‘n bäten wat vun Syntax liehrt, oewer doch nich so besünners behollen; ut Xenophons Anabasis hett hei twei Bäuker läst. Franzöös‘sch hett hei de rägelmäßig Konjugatschion un ein poor vun de unrägelmäßig Leitwüür liehrt, oewer säker weiten un anwennen kann hei nix.

Alltauhoop bekäken, wier dat allens man so taufrädenstellend. Ok Religion wier man blot so middelprächtig. Ut de Mathematik hett hei de Geometrie un de Ähnlichkeiten liehrt, bi de Arithmetik is hei bet tau de Gliekungen kamen un dat wier ok allens so taufrädenstellend. In Geografie, Geschicht un Naturgeschicht wier hei man ok so langsam vörankamen, hett oewer so’ne Oort Oewersicht in disse Fäcker krägen. In Teiknen wier hei gaud un harr ok Geschick dorför. Sport wier taufrädenstellend. Wiel hei nu ut de Schaul geiht un in dat (börgerlich) Läben rinkümmt, gäben wi unsern Sägen för siene Taukunft mit."