Wieland Förster: Porträtkopp "Otto Niemeyer-Holstein"

• Wieland Förster (buuren 1933)
• Porträtkopp "Otto Niemeyer-Holstein"
• Bronz
• 1967

Otto Niemeyer-Holstein hett ünner de Künstlerkollegen väle Frünnen. Ok denn Bildhauger Wieland Förster hett hei in denn siene Anfangsjohren kennenliehrt. De hett tau de Tiet ganz un gor trüchtrocken lääwt. In disse Tiet hett hei denn Porträtkopp makt.

Otto Niemeyer-Holstein (1896–1984) hett sick vun 1917 an tau’n Künstler hen entwickelt. Tauierst hett hei sick an de verschieden Strömungen un Stile vun dat Tiedige 20. Johrhunnertafarbeit’. Besünners de Expressionismus un die Niege Sachlichkeit hebben Influss up em hatt, bet tau siene laten Biller. Tauierst hett hei sick allens sülwst bibröcht un denn hett hei in’t Tessin, in Ascona Alexej von Jawlensky, Marianne von Werefkin un Arthur Segal drapen, wat up em as jungen Maler bannig Indruck makt hett.

1961 is hei bekannt wuurn, as hei in de Nationalgalerie in Berlin-Ost ’ne Utstellung mit’n groten Oewerblick vun siene Biller makt hett.

1963 fünn de ierste Biennale vun de Ostseelänner statt. Dor hebben sei em tau denn Präsidenten vun dat Internatschionale Kommitee wählt. Dat passt tau em un dortau, woans hei sick för künstlerisch-ästhetischen Uttuusch insetten will. Up disse Oort kunn hei ok in anner Länner wat maken: vun 1963 bet 1984 hett hei in Skandinavien, Asien, Amerika un Japan utstellt. Utstellungen vun siene BIller, de vun Bedüdung wieren, geef dat in Berlin, Potsdam, Leipzig, Dresden, Erfurt, Karl-Marx-Stadt, Rostock, Zürich, Hamburg, Kiel un Ascona.

1964 ward hei tau’n Perfesser makt. 1969 nähmen sei em in de Akademie vun de Künste vun de DDR up. 1974 kriggt hei den Nationalpries vun de DDR Tweiter Klass .