Willkam‘ vun de Rostocker Schippergesellschaft

• August Ludwig Konow
• Schwerin
• 1748
• Sülwer
• 52 cm hoch

De Rostocker Schippergesellschaft hüürt tau de bannig wichtigen Ämter vun de Haben- un Seestadt Rostock. 1566 ensteiht sei ut ‘ne Seefohrergill. De Schipper daun sick tausamen as Schutz gägen anner, tau’n Uttuuschen un üm sick gägensiedig sozial aftausäkern. As Teiken dorför, wo wichtig de Schippergesellschaft för de Stadt is, is de Pokal ut Sülwer un nich vun Tinn makt. Dat ward noch ünnerstütt dorvun, dat de Herzog Christian Ludwig I. vun Mäkelborg-Schwerin dissen staatschen Willkam‘-Pokal de Schippers schenken deiht. Dat kann’n doran seihn dat sein Wappen mit de Kron up den Deckel up is.