Willkam‘-Pokal vun dat Rostocker Lüttböttcheramt

• Hinrich Schlüter
• Rostock
• 1701
• Tinn
• 60,5 cm hoch

De staatsche Pokal mit väle Zierraten hüürt tau de Rostocker Lüttböttchergill un giwwt Tüügnis vun de Kultur vun de Rostocker Handwarkslüüd. Lüttböttcher sünd Böttcher för lütte Woren: Bekers, Kannen orrer Töllers för de lütten Lüüd ehre Huuswirtschaft. Disse Saken sünd ok up den Pokal tau seihn un warden väl verköfft, wiel jedein sei in de Wirtschaft bruuken deiht. Dat bringt ollig Geld in de Kass un so hebben disse Handwarkslüüd soväl Kraasch un koenen sick de so’n schmucken, düüren Lüttböttcher-Pokal maken laten.

Disse Pokale hüüren tau dat Düerste un Achtbohrste, wat de Gillen ehr eigen nömen, dorüm warden sei ok blot för Feste un Fiern bruukt. De sülwern Schiller un de Dalers, de dor an bammeln, sünd Gawen orrer Stiftungen vun de enzelten Meisters.