Willkam-Pokal vun de Anklamer Böttchers

• Tinn
• 1699
• 67 cm hoch

De Willkam vun de Böttchergill mit twei Uhren an hett ’ne typisch Barockform: dicken Buuk un an denn Deckel ’ne Fahnenhollerfigur up drei lütte Fäut. De sülwern Fahn mit dat Wapen vun Anklam as dreistrahlig Form, is woll dat Geschenk vun ein Gillenmaat an de Gill. De Zylinnerbeker drägt dat Teiken vun de Gill mit de Warktüüch vun dat Handwark. Twei Setzhamers un twei Treckiesen oewer Krüüz in’n Lurbeerkranz. Dornäben sünd de Namens vun de Stifter vun dissen Beker inschnäden.

De Böttchermeister E. Bockhagen ut Anklam beschrifft, woans de Willkam bruukt wüür: In dat 17. un 18. Johrhunnert güng de Willkam-Beker bi Versammlungen un wenn fieert wüür vun Hand tau Hand un jeder hett ut drunken. Männigmal hebben Wannergesellen an denn Willkam ’ne Münz orrer ’ne afgaten Münz orrer ’ne lütte Tafel mit ehren Namen up anbröcht. Dortau sünd de lütten Löwenköpp mit Löcker an de Siet, dat’n dor de Schillers fastmaken kunn.