Forschen un liehrn 1900 bet 1950

Mit den Thronwessel 1904 halt Mäkelborg-Strelitz up un organisiert dat Schaulwäsen nieg. In Stiernbarg grünnt sick 1905 ‘n Technikum un in Niestadt-Glewe 1911 ‘ne Städtisch‘ Buugwäsen- un höhgere Maschinenbuugschaul.
1922 ensteiht in Willigrad ‘ne Buernhochschaul, de later denn nah Warin ümtreckt. Sei is ‘ne christlich-ideologisch‘ Schaul. De Universität Rostock kriggt niege Gebüüd ut Klinkerteigel un hett so miehr Platz för de Mediziners. 1933 geiht dat los, dat jüdisch‘ un anner Wissenschaftler, de kritisch sünd, verfolgt warden. Väle emigrieren, anner nähmen sick sogor dat Läben.

1946 ward de Schaul ganz un gor reformiert. 500.000 niege Schaulbäuker warden rutgäben un dat olle Liehrmaterial utmustert. "Niegliehrer" warden in Galopp utbillt. 1946 fangt de Universität Rostock wedder an tau arbeiden. De Theologisch Fakultät blifft erhollen.

1924 ward de Barther Navigatschionsschaul taumakt.

De Griepswold‘sche Medizin-Perfesser Friedrich Loeffler buugt 1910 up de Insel Riems de ierste virologisch‘ Forschungsstatschion up. Vun 1921 an hett de Universität denn Namen "Prüßisch Universität tau Griepswold". 1933 ward sei tau "Ernst-Moritz-Arndt-Universität" ümdöfft. Juden un anner Lüüd ut de Wätenschap, de denn Mund upmaken, warden in de Emigratschion dräben orrer sei bringen sick üm.

1938/39 maken de Nationalsozialisten de kathol’schen Schaulen dicht. In dat Pädagogium in Putbus maken sei ‘ne "Nationalpolitisch‘ Erziehungsanstalt" up.

1946 ward de Schaul ganz un gor reformiert. 500.000 niege Schaulbäuker warden rutgäben un dat olle Liehrmaterial utmustert.

In Putbus warden in "Niegliehrer" utbillt. Dat geiht allens bäten fixer, denn sei warden bruukt. 1946 fangt de Universität Griepswold wedder an tau liehren.