Forschen un liehrn 1950 bet 2000

De Fackschaulen in Wismar, Heiligendamm, Rostock, un Wustrow profilieren sick as technisch‘ Schaulen. De Universität kriggt ‘ne Fakultät för Schiffbuug dortau. Pädagog‘sche Schaulen un ok Hochschaulen in Schwerin, Güstrow un Niegenbramborg billen Schaulmeisters för de Polytechnischen Oberschaulen un ok för de "Erweiterten Oberschaulen" ut.

Nah 1990 ward in de Forschung un Billung vun Mäkelborg-Vörpommern ‘ne niege Ordnung bröcht. Poor Mal warden de Strukturen in de Schaulen ümännert. De Pädagogien warden taumakt. In Güstrow, Schwerin un Niegenbramborg grünnen sick niegen Hochschaulen. In de Tied vun 1990-1992 schrumpt de Tahl vun de Lüüd, de an de Hochschaulen arbeiden vun 141.000 up 25.000 Lüüd.

Wat Besünners is de Ümbuug von dat Katharinenstift in Rostock för de Hochschaul för Musik un Theater, denn dorbi is dat Olle saniert un wat Nieget passlich dortau buugt worn.

1955 ward dat dörch ‘n Studentenstreik verhinnert, dat de Medizin’sche Fakultät ümwannelt ward in ‘ne Militärmedizin‘sche Akademie. Œwer dat ward ‘ne Militärmedizin’sche Sektion vun de Nationalen Volksarmee (NVA) inricht. 1989 ward dat uplöst un in ein privatet Klinikum ümwannelt.
Bet 1975 billen sei in Putbus an dat Institut för Liehrerbillung Schaulmeister ut. 1960 makt in Stralsund de Offiziershochschaul vun de Volksmarine "Karl Liebknecht" ehre Purt up. Bet 1990 gifft dat disse Schaul.

Nah 1990 ward in de Forschung un Billung vun Mäkelborg-Vörpommern ‘ne niege Ordnung bröcht. Poor Mal warden de Strukturen in de Schaulen ümännert. De Pädagogien warden taumakt. In Güstrow, Schwerin un Niegenbramborg grünnen sick niegen Hochschaulen. In de Tied vun 1990 bet 1992 schrumpt de Tahl vun de Lüüd, de an de Hochschaulen arbeiden, vun 141.000 up 25.000 Lüüd.

1991 ward de Fackhochschaul Stralsund för Elektrotechnik un Informatik, Maschinenbuug un Wirtschaft grünnt.

2010 stimmen all Lüüd vun de Universität Griepswold œwer denn Namen Ernst-Moritz Arndt af. 49,9 Perzent sünd dorför, dat de Nam blifft. 43,4 Perzent sünd gägen denn Namen. In denn akademischen Senat vun de Universität stimmen 22 för denn Namen un 14 gägen em.