Ein Edikt vun 1773 befat‘ sick dormit, dat de Eiken schont warden sallen un dat ok dorför sorgt warden sall, dat miehr Eiken plant‘ warden. Dat is dat ierste Mal, dat‘n sick Gedanken makt üm eine Oort Boom, de weniger ward.
De Gordenkunst stellt nu dat Natürliche vörnan. De Gorden vun Hohenzieritz is an dat Enn‘ vun dat 18. Johrhunnert ein vun de modernsten in den Sinn vun "Nutz un Zierraten" in Mäkelborg. De Schlottpark is ein vun de schœnsten Gordendenkmäler in‘t Land un de öllst‘ Landschaftspark nah de engelsch‘ Oort un Wies in de Gägend.
