Handwark un Industrie 1950 bet 2000

1953 warden miehr as 500 Hotel- un Pensionsbesitter enteigent un ok verfolgt. Geld ward in de Neptunwarft, de Warnowwarft, de Matthias-Thesen-Warft un ok in de
Betriebe, de tauliefern, rinsteckt. Tauierst warden Küstenmotorschäpen buugt. Vun 1957 buugt de Warnowwarft Schäpen mit 10.000 Tunnen. Dörför ward de Oewerseehaben vun Rostock buugt. 1973 faten sei de Warften tau dat „Schippsbuugkombinat Rostock“ tausamen un de Habens, de Reederein un all de annern, de wat mit Seefohrt tau daun hebben, tau dat „Kombinat Seeverkehr un Habenwirtschaft“. Industrie för Äten, Drinken un Geneiten gifft dat ok in Kreisstädten.
1973 warden de letzten Privatbetrieben staatlich makt. De Buugwirtschaft ward vun 1954 an as Industrie führt dörch de „Grotblockbuugwies“. 1972 kamen oewer 2 Millionen Bad’gäst‘ in den Ostseebezirk Rostock.

Autobahnen warden buugt twüschen Rostock un Berlin un Hamburg un Berlin. In Schwerin buugen sei ein Plastmaschinenwark, ein Plastverarbeitungswark un ein Wark, dat Ledderworen makt. Dat gifft ok noch de Industrie för Äten un Drinken un so sallen dat in den Nuurden „Industrie-Agrar-Bezirken“ warden. Vun 1990 an ward Geld in Telekommunikatschion un in Infrastruktur rinsteckt. Blot toegerich entwickelt sick wat bi lütte un gadlige Ünnernähmen för Äten, Drinken un Geneiten. Ümmer wedder wesseln de Warften ehre Besitter un warden mit Geld vun’n Staat ünnerstützt. Wat Nieges is de Biomedizitechnik in Rostock, Tetrow un Schwerin. Bannig Upschwung hett de Tourismus. Miehr as 5 Millionen Lüüd kamen hierher tau’n Baden un Erhalen. Wirtschaftlich twälen de Region an de Küst un de Südosten vun Vörpommern ut’nein.

In de drei Nuurdbezirken entwickelt sik de maritime Wirtschaft. De wichtigsten sünd dorbi de Volkswarft Stralsund un de Peenewarft Wolgast. De Warften hebben ok noch väle Ünnernähmen, de tauliefern un de sünd ok bannig wichtig. Binah allens, wat sei an Fisch fangen un verarbeiten daun, geiht tau 90% in de Sowjetunion. In Barth un Sassnitz ward de Fisch verarbeit. 1954 schluten sik de Küstenfischers in Genossenschaften tausamen. Ok in lüttere Städte enstahn Fabriken, de allens taun Äten, Drinken un Supen herstellen daun. 1973 œwernimmt de Staat de letzten Privatbedriewe. Vun 1954 an makt sik de Wahnungsbuug tau ‘ne Industrie rut: buugt ward ut grote Blöcke. In denn Nuurden fangt dat 1956 an mit denn Landwirtschaftsbuug in‘n Kreis Griepswold. 1957 warden de VEB Vereinigten Kreidewerke Rügen upmakt.

In dat Johr 1953 verfolgen un enteigen sei œwer 500 Hotel- un Pensionseigner besünners up Rügen. De Lüüd warden ok strafverfolgt. De Hüüser kriegen niege Besitter un Lüüd, de sei bedriewen. Richtig groten Upschwung kricht de Feriendeinst vun denn Frieen Düütschen Gewerkschaftsbund (FDGB). De Bedriewe hebben eigen Ferienhüüser, Sanatorien, Gesundheitshüüser un Bungalowdörper un dat warden ümmer miehr. Bet 1988 warden dat an de Ostseeküst œwer 3 Millionen Badgäst in‘t Johr. In Binz un Heringsdörp ward grot nie buugt.

1986 makt de Fährhaben Mukran siene Puurten up. De politisch Stimmung in Polen is leeg un so sall de niege Haben denn Seewech vun de DDR nah de Sowjetunion säker stellen.

De Metallindustrei in Torgelow ward as VEB Geiterie un Maschinenbuug "Max Matern" utbuugt, wo 2300 Lüüd arbeiten daun. Nah 1990 œwerlääft de Firma mit weniger Lüüd as Iesengeiterie Torgelow GmbH.

Vun 1990 an ward in de Telekommunikatschion un in denn Stratenbuug Geld rinpompt. Erfolg hebben de Rügenfisch AG, de Rügener Bad‘jung ünner dat Dack vun de Rotkäppchen GmbH. De Omya AG ut de Schwiez makt de Verabeitung vun de Kried modern. De Warften wesseln de Besitter as de Buer sien Hemd un dor ward Geld vun‘t Land rinstäken. Bannig dull vörwards geiht dat mit de Badgäst. Nu kamen all œwer 5 Millionen in‘t Johr un maken Urlaub hier. Wirtschaftlich drieben de Küstengägenden un dat Binnen- un Achterland in‘n Südosten vun Vörpommern ut‘nein.