De Barock breit‘ sick man toegerich oewer Mäkelborg ut. Tiedige Bispäle vun Architektur up‘n Land, de dorför dacht sünd tau repräsentieren, sünd de Herrenhüüser in Ludorf un Rossewitz, de sick an dän‘sche Hüüser ‘n Ogenspeigel nahmen hebben. Anner Hüüser sünd infach as Fackwark buugt. So seggt‘n ok „nuurddüütsch“ Barock dortau.
Kunst un Buugkunst 1650 bet 1700
Up denn Tietstråhl dörch dit Themå
Tiet un Epoch utwählen:
De herzoglichen Schlötter in Stettin un Wolgast blieben ok ünner de schwed‘sche Herrschaft Residenzen. Carl Gustav Wrangel kricht 1648 vun den schwed‘schen König denn Posten Generalgouverneur vun Schwedisch-Pommern as Belohnung för sienen Deinst in‘n Dörtigjöhrigen Krieg. Siene Residenz twüschen Griepswold un Stettin lött hei barock utbuugen. 1653 nömt hei sei Wrangelsburg. Dat Schlott Spyker up Rügen ward nah denn Plan vun em ok barock utbuugt. Hier blifft Wrangel 1676 ok dot.
