Mäkelborg besteiht dunn blot ut ein Drüttdeil vun dat Land, wat later dortau hüürt. Inwanderers maken dat Land tau ehr Kolonie. Sei kamen ut Neddersassen, Westfalen un vun den Nedderrhein orrer ut Flandern. Dor kamen lütte Eddellüüd un Buern, Kooplüüd, Handwarkslüüd, Preister un Mönchslüüd. Sei grünnen Städte un Klosters. Nah Schwerin folgt Rostock (1218) un Wismar (1229). De Boebelsten sünd de feudalen Territorialfürsten, denn de hüürt dat Land. Dat sick ‘ne grote Lannesherrschaft ‘rutbillen deit, ward ümmer wedder stüürt vun Arwschaftsdeilungen. Disse heele Ordnung besteiht dordörch, dat de, de dat Land ehr eigen nömen, dat Seggen hebben.
Politik 1200 bet 1250
Up denn Tietstråhl dörch dit Themå
Tiet un Epoch utwählen:
(Sässische Weltchronik)
Mit de dän’sche Herrschaft up Rügen is dat nah de Schlacht in Bornhöved (Holstein) 1227 vörbi. Kann seggen, dat dat iesrt lat anfüng, dat de Düütschen dor dull anfüngen dor hentautrecken.
De Lüüd, de hierherkamen, maken sick vun de Mark Bramborg, dat Erzstift Magedeborg un Obersassen up denn Wech. Dor kamen Lütteddellüüd, Buern mit Kooplüüd un Handwarkslüüd. Vun de Preisters un de Mönke warden Klösters grünnt. Dat Seggen hebben de, de dat Land tauhüürt: de Territorialfürsten. 1231 gifft de Kaiser Orrer, dat Pommern ünner de Lehnshoheit vun denn bramborg’schen Markgrafen ut dat Huus vun de Askanier sall. So kümmt dat tau ‘ne Herrschaft oewer dat Land, wo Kraasch in sitt. Dat makt, dat hier nix bi Arfschaften updeilt ward. Disse Ordnung grünnt sick up de Landbesitter, de hier läben.
