Politik 1250 bet 1300

1241 schluten Lübeck un Hamborg einen Verdrag af, dat sei sick bi Hannel un gägen de Stratenröwer gägensiedig ünnerstütten willen. Dissen Bund träden bet 1265 Kiel, Wismar, Rostock un Stralsund bi. So ensteiht dat „wendisch Flach“ vun de Hanse. Nah den Dalgang vun de düütschen Koopmannsgenossenschaft in Visby up Gotland oewernimmt vun dat Enn‘ vun‘t 13. Johrhunnert an Lübeck dat Leit.

Prenzlau ward de ierste Stadt vun Pommern nah düütschet Recht. 1234 ward Stralsund grünnt. Beten lütter, kamen denn Griepswold un Kolbarg 1250 un 1255. In de Tiet vun 1226 bet 1275 entstahn 30 Städten vun all tauhoop 58 in dat late Middelöller. 1241 schluten Hamborg un Lübeck ‘n Verdrach af, de seggt, dat sei sick gägensiedig ünnerstütten willen bi dat Hanneldriewen un gägen Banditen, de up de Straten ehr Undööch drieben. Bet 1265 kamen denn Kiel, Wismer, Rostock un Stralsund dortau un mischen bi de Afmakungen mit. So schluten sei sick all tauhoop un dat "wend’sche Quartier" vun de Hanse entsteiht. Stralsund kümmt dorbi ollig tau Kraasch. 1278 schluten sick de pommerschen Stänn, de Landeddellüüd un de Kirchenlüüd tausamen, domit sei all afmaken, de glieken Stüern intaunähmen. Disse Bund höllt dat Herzogtum, dat all ofteins deilt worden is, tausamen.