Politik 1350 bet 1400

Ut den Bund vun de Kooplüüd ward de Städtehanse in‘n Nuurden vun Europa. De drapen sick tau‘n iersten Mal 1356 tau ehren Hansedag. Sei willen nu ok dat rägeln, wat de Kooplüüd politisch dörchsetten willen. De Pirat Klaus Störtebeker is dorbi mal up ehre Siet un mal up de anner.

Dat Best, wat bi den Hanse-Tausamenschluss rutkümmt, is de Stralsunner Fräden 1371. De Nam‘ steiht nich blot för den Fräden nah‘n Krieg, sünnern ok för‘n groten Hümpel vun Verdräg‘, wo 31 Hansestädte mit bi sünd. Dormit ward denn ok oewer den Dänenkönig Waldemar IV. siegt.

1354 schluten sick de Städten Lübeck, Wismer, Rostock, Stralsund, Griepswold un Stettin tau einen Bund tausamen. Ut de Koopmannshanse ward ‘ne Städtehanse in den Nuurden vun Europa. 1356 drapen sei sick tau den ehren iersten Hansedag un nähmen sick vör, nu ok politisch Saken tau rägeln.

De Pirat Klaus Störtebeker wesselt dorbi ofteins de Sieden: hei is mal Fründ un mal de Gegner vun de Kooplüüd ut de Hanse.

De Hanselüüd wiesen ehr Kraasch un ehren Tausamenholt bi ein Sak: denn Stralsunner Fräden vun 1370. Dorbi wüür uthannelt, dat de Krieg vörbi un nu Fräden wier, oewer ok ein bannigen Hümpel vun Verdrääch, bi de sick 31 Hansestädten ünnerschräben hebben. Dat wier soväl Macht up einen Hupen, dat de Dänenkönig Waldemar IV. in de Knei güng.